أحرقت صورتك قلت أبا احرق الذكريات
والمشكلة صورتك في القلب عيّت تروح
الوجد ما مات والعاشق من الوجد مات
وصورتك غير الصور.. صورتك نبض وروح
يا اول عذابات عمري وآخر الأمنيات
بخلت بالوصل وأجزلت العطا بالجروح
كيف أقدر أنسى وطيفك في جميع الجهات
وفي كل الأوقات برقه في خيالي يلوح
أشوف صورتك حتى في عيون البنات
وأشوفها في مرايا كل وجه صبوح
وأسمع صدى ضحكتك هاذيك في الأغنيات
وريحة عطورك بعدها في كفوفي تفوح
قلت الليالي وكل أوجاعها زايلات
وأثر المواجع تشيد في كياني صروح
حتى تشكل حنيني في حناياي ذات
(وتعتقت) صورتك وازداد طيفك وضوح
إلى متى يشرب العطشان كاس الشتات
وإلى متى يبكي الناي الحزين وينوح
يا غايب لك حضور يغيّب الحاضرين
ناقوس ذكراك للسر المخفّى فضوح
ياليت لي صوت وأهرب من حصار السكات
ويا ليت لك سمع وأشكي لك عذابي وأبوح
ليست هناك تعليقات:
إرسال تعليق