ياصاحبي تيقى في نظرهم كحيلان
وبنظرتي تسوى عيال الحمايل
حنا أثنين أخوان وأكثر من أخوان
لو ماتجمعنا عروق وسلايل
لو نختلف بأسماء وعروق وأوطان
يبقى التشابه بيننا بالخصايل
وأنا ليامني بغيت أكسب أنسان
أسعى له بكل السبل والوسايل
أعرف كيف أرد الاحسان بإحسان
كيف أحصد بذور الفضايل فضايل
عايش زمن عاصرت به كل الازمان
ماأعيل بس أكسر ثلاثين عايل
أكسب عدو وأحرق به قلوب عدوان
أشعل فتيله بس أطفي فتايل
أن خفت ضعف إخاف من ضعف لايمان
وأن عفت حمل أعاف حمل الجمايل
ماأظما على الساحل ولو مت غرقان
لو مركبي تابوت والموج هايل
تغرق شهيد أرحم من تموت عطشان
طيحت شموخ ولا وقوف أمتمايل
ودك ليا من جيت في كل ميدان
لو ماأنت الأول بالصفوف الاوايل
خلك ليا عودت خسران خسران
ينقال عنك عامل لك عمايل
لياصار تحلم أحلم تكون سلطان
وأن جيت تقنع أقنع بحلم زايل
الوقت غربه وآخر الدرب عنوان
والعمر رحله والتجارب رحايل
وأنا كثر مالي من الناس خلان
اللي صفوا لي بالشدايد قلايل
شايف حسد!قل شايف أشكال والوان
قابلت ظلم ! الا لقيت الهوايل
أن عشش بصدري من الغبن شيطان
وتسددت دوني جميع الوسايل
باألقى من عيال الحمايل كحيلان
اللي يكفي عن عيال الحمايل
مرات ربك يرزقك خوة أنسان
واحد ويسوى في عيونك قبايل
اهداء خااااص
لاعز صديقه منو
ليست هناك تعليقات:
إرسال تعليق